AMICISSIA
Che bea paroea questa qua
chissà chi ch’eà ga inventà.
Più che altro el xe un sentimento
tanto caro ch’el vien da drento.
Me fa proprio pecà
quei che no eà ga trovà
no i sà cossa che i perde
xe pezo che essare “al verde”.
Eà xe tanto presiosa
ma no te poi comprarla,
te poi soltanto donarla
e chi eà riceve
ga soeo da ricambiarla.
Se un confronto voemo fare
tra amicissia e amare,
no ghe xe un confin vero
se l’afeto xe sincero.
S’el vien dal core
vol sempre dire amore!
Purtropo poe capitare
de ‘ver sbalià a dare
sto sentimento passiònae
a una in modo personae,
ch’eò gradisse tanto,
ma ea no fa altretanto!
Aeora si che te dispiase,
ma xe mejo finire in pase
e scanceare el passà
come se gnente fusse stà.
Ceronte
(Dicembre 2014)
Caro Rino sono sempre appropriate e belle le tue poesie, questa dedicata all’amicizia mi fa sorridere e bene al cuore. Proprio in questi giorni è un tema che sta a cuore a una nostra nuova socia, per questo la vorrei dedicare alla stessa con il tuo permesso, perchè penso che tu legga nel pensiero dei nostri soci e oserei dire anche a me stesso e di conseguenza ti giungono nuove ispirazioni poetiche. Grazie
Grassie Danillo, sempre generoso ne i to giudissi. Mi fasso queo che posso pa stare vissin ai tanti amissi de Agorà. Penso che se tuti colabora dando calcossa, el grupo resta compato e anca tanto afesionà. Naturalmente te ghè el “parmesso” , ghe mancaria anca quela che no te possi dedicarla a ‘na nostra nova amiga. Magari capitarà anca de conossarla e dirghe a vosse che queo che go scrito xe queo che penso. E ti te lo se! Grassie, ciao
Grazie Dino, per la tua raffinata poesia,grazie Paolo per le tue gentili parole.