ME FRADEO

Gero beo tranquiło

tra i me zugatoi, i libreti,

i cd da toseti.

Quando  me vien vissin

me mama cara

e tuta soridente

eà me dise: “te vedarè che beo

quando rivarà to fradeo”.

Al momento no go capio

l’importansa dea notisia,

me so girà e go dito: uah!

Però sentivo calcossa

nel’aria de difarente,

come un mistero

ma no capivo gnente.

Finchè un giorno el xe rivà.

Veramente i xe ‘ndà

torseo lori dove che… i dà.

I me ga portà anca mi

e tuti contenti i me dise:

Varda che beo to fradeo.

Mi no me ga parso tanto,

el gera tuto rosso intavanà

gnanca el me vardava

el me pareva indormessà.

Dopo el xe vegnù casa

e go capio na roba soltanto

che me mama no ea gera più tuta mia

 ma da spartirsea a metà,

  aea bona, sensa rivaità.

‘Desso no so cossa fare,

pal momento no me resta

che spetare.

Magari po darsi

che zughemo insieme

e s’eà passemo puito

sensa barufare.

Però se siga lu pa verla vinta

mi sigo più forte

parchè go più grinta.

                                                                                    Andrea (mesi 16)

Ceronte