ME AMIGA LUCIA
Te gò rivisto Lucia,
no te si mai sta mia,
ma se par ti xe ło stesso,
te vujo tanto ben ‘desso.
A dire eà verità
co te gò visto ieri so restà incantà!
No te si gnanca più cuea,
te si deventà uncora più bea.
A mi te me pari senpre aea bona,
forse pal cavejo bianco che te dona.
Se dopo cualcun voe criticare
el dirà che no te manca el parlare!
Mi no me ga parso miga
e po’ łasso che i altri diga
e sicome ti te se cossa dire
xe gustoso starte sentire.
Anca parchè te tiri tanta sinpatia
che al giorno de uncò tuti te voria.
Purtropo no posso dire cuaea che ea sia
sta bea, bona e brava,
amiga Lucia!
Ceronte