EÀ MATERIA GRIGIA
Ne go sentio parlare,
toseto apena,
cuando cualchedun
el gera difarente.
Ne peso ne mejo.
Difarente!
Abronsà d’istà
paido come noaltri d’inverno.
Xe capità un giorno
na bea nevegada.
Tuti daea finestra
eà ghemo vardada
col naso schicia sol vero
a sognare
calcossa da fare:
na trincea pa fare batalia
col tiro de baeocchi,
na secia de neve
in testa a cualche porocan,
o ea soita statua de Babo Nadae,
beo alto, ben fato.
Tante robe pensavino
ma mai cueo che xe capità.
Se ga verto na porta eà vissin
e saltà fora baeando
n’amigo nostro
mezo nudo
corrare pal prà
cantando tuto agità
el se divertiva come un mato.
Xe stà aeora che cualchedun
un fià studiato el ne ga dito:
cueo no xe miga a posto
e parlandone sul serio
el ne ga spiega cussì aea bona
che ea materia grigia
ghe entrava sicuramente.
Ceronte
(Aprile 2018)