Soło nel mondo,
ramengo pa strade
‘ndavo pensando
al gnente che gavevo.
Vardavo indrio,
che massa nero davanti
cuerseva el camin
dove posare i pie.
Nè bruschi rinproveri,
nè generose man
me ‘iutava.
Jero orbo al sarvèo.
Briscołando el passo
de qua e de łà,
sercavo invano nel creato
‘na spiera de feisità.
Jero proprio drio sbrissare
senpre più zò.
Un giorno inproviso
un lanpo de fede
ga inpenio el vodo.
No ocoreva vista bona
bastava verzare el core
al clemente Infinito.
Łà ghe gèra posto anca par mi.
Co umiltà e amore
gò trovà ła me strada.
No ła gèra fassie, né in disesa,
ma quanta gioia ‘desso
che a ogni passo
posso dare ‘na man
a altri sbandati
pezo de mi.
Ceronte