Porgo alla vostra attenzione per gentile concezione della Prof.ssa Paola Pampaloni questa bella poesia in dialetto Veneto in occasione del Santo Natale
CO NA BARCHETTA
Te sì rivà anca Ti
coea mama e col papà
dentro de na panzetta
che jera ea to barchetta.
Col tempo e alla bonora
te sì vegnù de fora
dall’acqua e tanta luce
el mondo ga impissà.
Quanti putei che desso
na acqua nera ne stua.
Quante stelle perdemo
daea poppa e dalla prua.
E nel pianto se smorsa
parfin ea To lanterna
e la terra deventa
na gelida caverna.
Xe finte e luminarie
de sto Nadae d’amore
se no le impiena i oci
de tute le creature
che varda e nostre feste
de là de na cortina
che la speranza imbroja
a ogni nova mattina.
Prof. Paola Pampaloni